Wilste 45èlf booke?

Vuur get sjpass en plezeer kunt 45èlf geer. 45èlf Zingt oet ege werk, mar óch oet werk van angere. Mit zieng ege, originele leedjes verzörgt 45èlf óptreënes van óngeveer 30 minute.

Book einfach en sjnel

Sjtuur inne meel noa besjtel@45elf.nl.
Bel noa: 06 52 57 38 08.

 

Nr.1 Artiesten

Knoakdruëge humor in ing anekdotisje dubbelzinnigheed

In relatief kótte tied hat 45èlf inne ganse eege leedjessjtiel ontwikkeld: sjtuk vuur sjtuk ludieke hymnes in tradisjenele vasteloavessfeer mit ing flinke porsie knoakdruëge humor in ing anekdotisje dubbelzinnigheed. De vasteloavesakt oet Landgraaf is opgerich in 2016 en treënt óngerwiel ‘t vasteloavessezoen ónregelmieësig óp in de Parksjtad en umstrieëke mit zelfgesjrieëve sjlagers en anger (mit)zingbaar matterjaal.

45èlf Won dat ieësjte joar dierek ‘t Oape Landgraafs Carnavalsmoeziek Konkoer (OLCK) mit ‘t leedje Beëter sjeef d’r in…. In 2016 woeëd ’t leedje óch d’r Landgraafsjlager, sjtóng 45èlf óp de Groëete Gulpener Vastelaoves Finale en aafgelope joare in versjillende finales van ‘t Parksjtad Leedjes Konkoer (PLK) en CMC Alaif. Ee good begin, kin me bauw zage; mit bei aavang de vroag of d’r überhaupt ee vervolg zou kómme.

Onnuëzele joeks

“Dat vervolg woar egelik gaar nit de bedoeling. Ich houw alling inne wietsige teks gesjrieëve en doa wool ich get mit. Eemoalig. Zinge en optreëne? Nog nit mesjien.”, vertelt d’r Edwin Peelen va 45èlf. “Dan geeste inins loestere noa vasteloavesreppertwaar en letste ónbewus óp wat mit ‘t sjpassezoen allenui weët gemak aa Limburgse meziek. ’t Vool mich dierek óp dat de vernuiing van d’r meziek mieë en mieë de uëverhank houw óp de humoristisje tekste. Leuke verhöalkes mit ee good begin en ee eind, inne originele kloe, lüj d’r bekinde sjpeegel vuurhaote of humor dieste bei einzelgängers in optochte of buutteredners nog vings, huësjte in leedjes joamer genóg ummer wieëniger. Onnuëzele joeks die de ruë wirklikheed draagliker makt en leunt óp ing gezóng porsie zelfsjpot gemengd mit ee metspuntje satire: ‘t besjteet bekans nit mieë.” D’r Edwin geet wieër: “’t Hoof nit ordinair te weëde, mar ing sjun geformuleerde dubbelzinnigheed kin gee koad. Toch? Vöal lüj zeuke de vernuiing in d’r meziek. Ich in de absurde leedjestekste.” De arrangemente van 45èlf sind da óch tradisjeneel en doarum ummer herkinbaar. “Natuurlik is humor gans persuënlik. Doe makst get mit vöal enthousjasme en plezeer. Da bliet ’t mar de vroag óf angere dat enthousjasme dele.”

Nóg mieë leedjes…

Umdat ‘t vasteloavesblood kruupt woa ’t bekans nit goa kin, koame d’r al sjnel mieë leedjes. In 2017 numt 45èlf ’t leedje Ich zien dich waal zitte óp. Ee aod LVK-nómmer mit dialekbewirking. Eind 2017 deed 45èlf es titelverdediger wer mit aan ’t OLCK mit óch wer ‘ne ege gesjrieëve nómmer ‘Bedórve Woeësj’ óf beëter bekank es Woa is ’t hüske?. D’r nómmer eindigt óp ing gedeelde twieëde plaatsj. In dat joar weëd óch Sjuuf ins effe óp ópgenoame. In de joare die vólge weëd evvel driftig durchgesjrieëve aa nuie nómmere. Mar va binne biste sjun deed ’t good es Landgraafsjlager 2019, in ’t Heëlesj Sjlagerkonkoer en de ieësjte kier in de haof finale van ’t LVK. Midde in die nach weëd óch good gewardeerd. En wat te dinke van d’r tussjedurch-sjlager Ich bin vroeë dat ich dich nit vergeëte bin, Ich haot va mich,  Anlies, Ónduëgend mót ‘t zieë, Es of d’r duuvel d’r mit spilt en Alles wat va wiet kunt dat is lekker. 45èlf sjteet vanaaf 2019 (óndanks Corona) ónafgebroake in de haof finales van ’t LVK. In 2023 kómme ópnui drei nui nómmere oet: Maria!, Ich grien nit mieë (gesjrieëve vuur ‘t Sjun Lidjer Konkoer) en Drei moal Alaaf. ‘t Zint alledrei bewirkte covers. ’t LVK 2024 weëd doarum ee joar uëvergesjlage.

Rijnlandse vasteloavesoersjprong

45èlf sjrieft alle leedjes zelver en hult zieng teksinspirasie oet ‘t onduëgende van d’r Nico Ploum, ‘t sjunne van d’r Wiel Knipa en ‘t verhoalende va de band Carboon. Op de vroag woar d’r naam 45èlf vandaan kunt, gieët d’r Edwin inne einfache oetlek: “45 is ‘t nètnummer van ‘t grutste deel va g’n Parksjtad, woeë Landgraaf deel van oetmak. Elf is zónger twiefel ‘t vasteloavesgekkegetal. Doabeij is de kombinasie va de veer siefers ee knipoog noa ‘t bekinde 4711: Echt Kölnisch Wasser. Doamit is geliek d’r link gelag mit ózze Rijnlandse vasteloavesoersjprong.”

Edwin sjluut nuchter aaf: “Mar loate vier ’t allenui i gikker geval nit te serieus numme. Oetintelig bliet ’t joekserei.”

Dé leedjeslies mit de gruste suksèsse…
…bis noe touw!

Ee sjun sjtuntje 45èlf

01 Dao kriesse zeek mit
02 Ónduëgend mót ‘t zieë
03 Bedórve woeësj
04 Ich haot va mich
05 Midde in die nach
06 Es of dr duuvel d’r mit sjpilt
07 Ich zien dich waal zitte!
08 Mar va binne biste sjun
09 Beëter sjeef d’r in
10 Sjuuf ins effe óp
11 Anlies
12 Sjtumming oane pauze
13 Alles wat va wiet kunt dat is lekker
14 Ich bin vroeë dat ich dich nit vergeëte bin
15 Drei moal ALAAF

Moer va faam

JOAR

LEEDJE

BEOERDELING

2023

Ich grien nit mieë

Sjun Lidjer Konkoer

2022

Es of d’r duuvel d’r mit sjpilt

Haof finalis LVK 2023

2021

Alles wat va wiet kunt dat is lekker

Haof finalis LVK 2022
L11 Top 1111 2022: 178

2020

Doa kriesse zeek mit

Haof finalis LVK 2021
L11 Top 1111 2021: 741

2020

Anlies

Nuie binnekómer óp plaatsj 6 in de L1mbo Top 10 juni 2020.

2019

Ich haot va mich

Haof finalis LVK 2020
Winnaar Landgraafsjlager 2020
Winnaar Landgraafse Sjtadsprinsesjlager 2020
Twieëde plaatsj OLCK 2019
Finalis Heëlesj Sjlagerkonkoer 2019
L11 Top 1111 2020: 730
L11 Top 1111 2021: 151
L11 Top 1111 2022: 558

2018

Mar va binne biste sjun

Haof finalis LVK 2019
Winnaar Landgraafsjlager 2019
Twieëde plaatsj OLCK 2018
Veerde plaatsj Heëlesj Sjlagerkonkoer 2019
Finalis PLK 2019
L11 Top 1111 2020: 631

2018

Sjuuf ins effe óp

Haof finalis CMC Alaif 2018 categorie covers

2017

Bedórve Woeësj

Twieëde plaatsj OLCK 2017
Finalis CMC Alaif 2018 categorie origineel
Finalis PLK 2018

2016

Beëter sjeef d’r in…

Winnaar OLCK 2016
Winnaar Landgraafsjlager 2017
Finalis PLK 2017

in-de-media-kop
45èlf Is nit vies van get reklaam in de ziedóng en óp d’r televies óf radio.

LEËZE

: 45èlf laat weer van zich horen – marlstone.nl, d’r 1sjte juni 2020
: Herringbiessere winnen OLCK, 45èlf pakt de sjlager – VIA limburg Landgraaf, d’r 27ste november 2019
: ‘Ich haot va mich’ schlager van Edwin Peelen – VIA limburg Landgraaf, d’r 20ste november 2019
: ‘Ich haot va mich’ schlager van Edwin Peelen – limburger.nl, d’r 15de november 2019
: FINALE PARKSTAD LEEDJES KONKOER IN PARTYCENTRUM STREEPERKRUIS – De Landgraaf Courant, d’r 13de fibberwaar 2019
: Het ondeugende van Nico Ploum, het mooie van Wiel Knipa en het verhalende van Carboon – VIA limburg Landgraaf, d’r 21ste november 2018
: ‘Mar va binne biste sjun’ hét leedje van carnaval in Landgraaf – VIA limburg Landgraaf, d’r 21ste november 2018
: 45èlf – WikipediA De vriej encyclopedie
: Dubbele winst op OLCK – LOO-tv, d’r 18de november 2016
: Schlager op weg naar LVK – 1landgraaf, d’r 30ste november 2016
: Wederom succesvolle editie OLCK – Landgraaf Koerier, d’r 1sjte december 2016

LOESTERE

: interview RTV-Parkstad, 9de oktober 2019
: interview RTV-Parkstad, d’r 18de jannewaar 2018
: interview RTV-Parkstad, d’r 15de november 2016